來來重慶雞煲 (已結業)

一个要OT的星期六，放工见饿饿地，黎左呢条食街都揾食，兜完一圈，决定试下呢间鸡煲。以前未有咁多鸡煲舖时，呢间野晚晚都排队架，而加好似无以前咁墟冚，至少今晚唔使等即刻有位，虽然写住食两个钟，但我地食左差唔多三个钟都无比人赶。忘了收多少钱的前菜小食，超级咸的花生，食左两粒就放弃了。对面撘枱的小朋友食左半兜之多，不段叫口喝……食咁咸真系对身体唔好架，尤其系小朋友。等左廿分钟倒嘅鸡煲，要左唔辣。芹菜好香好新鲜，鸡嫩口，十分入味，秘制酱料咸中带甜，食后亦没口喝，不错。只要了半份，但鸡嘅分量唔少，配料嘅洋葱吸哂酱料同鸡油，真系好鬼好味。虽然煲左好耐，但系啲鸡肉无鞋，因为大部份都系鸡肶肉。猪皮，好适合鸡煲打边炉嘅，越煲得耐越吸得多汁，好好味架。皇帝菜，一大盘上，十分新鲜，又系吸汁一流之物。冬菇，同样新鲜，大大只，肉爽。最后加多个乌冬，又系一大盘上，虽然食唔出系咩牌子，都几弹口唔错㖞。好在唔系比真空包装𠮶种，𠮶种有时食落去有酸味，怕怕呀。打边炉途中，侍应不断主动加汤，又帮手加茶，虽然有几个啲广东话好难听得明，但都几好服务啦。