新記雞粥 (鴻禧大廈)

营业中

休息中

今日天口热无乜胃口，系旺角经过新记粥店就决定食。新记主打鸡粥，于是嗌咗一个鸡粥，炸两，xo酱叉烧炒蛋同埋鲮鱼球。鸡粥黎到都算大碗，入面鸡件都够，粥底本身有味，都几好😋炸两肠粉皮薄，咬落去油炸鬼温度好够，而且仲系脆既。炸鲮鱼球新鲜热辣，黎到香喷喷，食落唔会好多粉。xo酱叉烧炒蛋既叉烧份量多，炒蛋食落都好滑，xo酱都好足但唔系一齐炒。餐厅坐位比较逼，不过亦有卡位。店舖唔止卖粥，而且好多小食可以拣，饮品仲有泰式饮品。