麵麵棧

营业中

休息中

年廿九个女发高烧，下昼同佢去睇医生，但系医生度大排长龙，咁无理由要佢食细菌架（其实系因为自己为食），所以去咗附近嘅面面栈。第一次黎，梗系试佢嘅招牌「竹升云吞面」。整体黎讲系好平均。云吞皮个封口位无话结成硬块，证明皮靓、手势好，而且唔系雪咗好耐，至于入面嘅虾好鲜好脆，猪肉肥瘦适中，做得好好。汤底系传统嘅大地鱼汤，好香，但系食完唔会口干，十分好。个银丝细面爽脆弹牙而又唔硬，亦都系非常好，而且份量唔算小。单就云吞面黎计，佢系以平均取胜（色香味、新鲜、价钱、份量），真系比得上镛记（油香汤清面细滑）、五龙（面淋滑）、同旺角烟厂街街市嘅阿伯（疍面够香脆），可以话各胜善长，而且比起麦x记（口干份量细）、沾仔记、自由面食（雪虾太大猪肉太少）等有过之而无不及。自此之后，来北帝街，唔再止系得胡须安同新梨花苑，仲有面面栈。