炑八韓烤 (已結業)

朋友同我庆祝生日，我拣咗去炑八食韩烧，好彩book咗位，都几full。我哋嗌左四样野，泡菜煎饼，芝士炸鸡，厚切五花腩同小牛排。先讲烧肉方面，厚切五花腩够肥美，烧起嚟好香，肉质都几爽口，味道唔错。小牛排都几好味，唔太肥，肉又唔会好靭，都算腍身，唔错。泡菜煎饼味道都几好，份量都算多，不过唔系好脆，要趁热食。芝士炸鸡味道唔错，芝士份量都算多，炸鸡几脆，好味。价钱都算中价，几个朋友食吓饭，倾吓计都不失为一个好地方。