北京水餃店 (已易手) 新餐厅

一向以都喜欢食饺子，记得小时候家中自制水饺，闲闲地食三十多四十只。但讲到出街食，好多时都揾唔到好味o既水饺店。 听闻呢间店已经好耐，终于至的起心肝去试一试。 舖头几细间，坐位唔算好舒服。但招呼唔错，起初人太多，要坐圆，后有卡位就马上帮我地换。叫一个净水饺、一个云吞面、牛肉饼同豆浆。豆浆最先到，淡淡豆香，加上滑滑口感，唔错。不过唔似系自家制！？牛肉饼热辣辣送到，肉汁丰富但有少少偏咸，而且都几肥腻，俩个人食一件就够啦。水饺皮唔薄，但出奇地滑。馅料足而且味道浓郁！正！云吞同样好味，不过味道其实几相似。面反而ok 。