一番街 (已結業)

之前行开都唔觉眼，怀疑紧佢系咪新开嘅铺头。🤔 喺附近食开野嘅人应该知道附近咩种类嘅嘢食都有，唯独日式鱼生饭就少啲。🙈 今次呢一间就系其中一间有鱼生饭食嘅铺头。😍 佢入边唔系好大🤔，最多容纳到14个客人。麻雀虽小，但佢刺身嘅种类好多，日式茶、小食、面豉汤⋯⋯全部都有齐。👍🏼 由于店内得两个店员喺度，所以可能会做唔切。😅 如果赶时间嘅就最好下次先嚟啦。我哋去到坐咗几分钟，枱面都仲系未执。但系见到其实佢哋都不断咁样做紧嘢，所以都冇吹佢哋。枱面上面有张点餐纸，写好自己食嘅嘢之后就可以交俾佢哋。除咗午餐set之外，仲可以自选鱼生饭。自选鱼生饭嘅最低消费系＄80 。😉我哋拣完之后就俾咗张纸佢，坐低等野食。🤤🤤制作需时，但系喺等候嘅过程中佢哋都会呈上两个小食1️⃣中华沙律同埋2️⃣辣味螺肉，仲有面豉汤俾我哋饮。👍🏼日本茶就系自助式。鱼生饭令我哋喜出望外！😍😍 本身要为呢啲细舖应该系普通嘅质素，但系一嚟到嘅𠮶碗鱼生饭卖相一流！ 三文鱼非常之厚，带子相当新鲜，其他刺身都好鲜甜！🤤 我觉得呢一间餐厅可以再战！睇下可唔可以下次早啲嚟😂，因为佢制作真系好需时🙈。