影片
更多
2011-10-14
63 浏览
因乜解究新兴栈啲粥贵咗咁多,上年年尾都仲系廿零蚊碗粥,今年升到去35蚊搭多条油炸鬼成五草嘢咁济,够我去太兴食烧味饭.鱼卜粥没有了,不过都无所谓,鱼卜放粥不嬲都唔系太好食,啲卜唔点胡椒粉豉油更加有啲难入口添.新兴栈最正几时都系佢哋啲鱼骹.点了一碗鱼骹牛肉粥.碗粥嚟到啲骹照旧大旧到撑哂出碗外,选鱼骹系贪佢郁动多,啲鱼肉又滑又结实.无鱼腩咁腥同埋有泥味,亦无乜细骨.嫌斋食鱼粥单调,所以并了牛肉,新兴栈的牛肉腌得刚刚好,又嫩又有肉味,一流!最重要𠮶粥底永远稀杰适中(其实算偏稀),米花爆开,绵滑又有米香.调味较得亦好,味精一定有,呢点唔驶詏,成大支味精水楝系灶头.唔想食味精可以试吓叫佢唔落,我就无试过嘞.其实唔怕骨的话新兴栈个鱼云粥又系好正,鱼味系超级特浓.唔信的话大可以点一碗鱼云粥,一碗鱼腩粥,每碗试一啖就即刻知个分别系边.顺便推介埋粉肠,我唔并牛肉的时候多数都系并粉肠,又淋又粉,点少少豉油食又系超正.新兴栈,永远系我九龙食粥嘅首选
搭多条油炸鬼成五草嘢咁济,够我去太兴食烧味饭.
鱼卜粥没有了,不过都无所谓,鱼卜放粥不嬲都唔系太好食,啲卜唔点胡椒粉豉油更加有啲难入口添.
新兴栈最正几时都系佢哋啲鱼骹.点了一碗鱼骹牛肉粥.
碗粥嚟到啲骹照旧大旧到撑哂出碗外,选鱼骹系贪佢郁动多,啲鱼肉又滑又结实.无鱼腩咁腥同埋有泥味,亦无乜细骨.
嫌斋食鱼粥单调,所以并了牛肉,新兴栈的牛肉腌得刚刚好,又嫩又有肉味,一流!
最重要𠮶粥底永远稀杰适中(其实算偏稀),米花爆开,绵滑又有米香.
调味较得亦好,味精一定有,呢点唔驶詏,成大支味精水楝系灶头.唔想食味精可以试吓叫佢唔落,我就无试过嘞.
其实唔怕骨的话新兴栈个鱼云粥又系好正,鱼味系超级特浓.
唔信的话大可以点一碗鱼云粥,一碗鱼腩粥,每碗试一啖就即刻知个分别系边.
顺便推介埋粉肠,我唔并牛肉的时候多数都系并粉肠,又淋又粉,点少少豉油食又系超正.
新兴栈,永远系我九龙食粥嘅首选
张贴