名代宇奈備長炭燒鰻魚飯專門店 (東港城) (已結業)

今日午餐系东港城行左阵，经过名代宇奈备长炭烧鳗鱼饭专门店，我同男朋友都冇食过，就决定入去试下新野。入面座位唔多，餐牌主要以鳗鱼为主，都有照烧鸡，牛肉，乌冬，小食。第一次黎梗系食佢主打既鳗鱼饭啦，我地一个叫双层鳗鱼丼，一个叫鳗鱼釜饭。双层鳗鱼丼包一碗面豉汤同腌青瓜。面豉汤好日式，够浓味，好味。腌青瓜酸酸咸咸。双层鳗鱼丼既鳗鱼份量足，鳗鱼好肥美，又冇骨，加埋照烧汁，好多食。照烧汁捞饭都好夹，白饭我地仲免费加大左。鳗鱼釜饭上枱后要等二十分钟，由生米煮成熟饭。鳗鱼份量得好少，味道清d, 冇甘肥美。釜饭既边边全部系饭焦，钟意饭焦既人会好开心。