影片
更多
2004-08-14
312 浏览
朋友系China Club会员, 寻日下昼请我黎饮茶. 呢度无论装修,服务员o既衣著都好古色古香. 我地叫左鸭仔饺, 叉烧酥, 粉果, 春卷, 小笼包, 蟹籽烧卖, 再加一个蟹肉干烧伊面.点心最好食就系个鸭仔饺. 一笼一只, 外型做到一只鸭仔咁, 用虾饺皮包住鲍鱼粒同猪肉粒. 呢个好好味! 里面好多鲍鱼! 我谂系佢地o既招牌点心黎嫁! 另外个叉烧酥都好好味, 好香酥! 我朋友就最欣赏个小笼包, 差d想叫多一笼添!干烧伊面我就觉得麻麻地, 无大酒楼o既镬气, 不过条条蟹肉非常足料!埋单几钱我就唔知, 因为朋友俾钱, 不过我睇餐牌时就觉得佢唔系贵过美心酒楼好多, 毕竟朋友都要买会藉同俾月费架㖞!
张贴