俺流塩らーめん (MOSTown新港城中心(4期)) (已結業)

俺流塩らーめん原来已经开到马鞍山，系6-7年前已经系葵芳开始食。由2010年渋谷总店发展到香港已经十几年，店主小林之前曾经喺唔同流派修业，北海道、横浜家系、九州、塩等等，最后创出俺流(自己Style)嘅拉面。拉面有两款主打，塩拉面同埋熟成塩拉面，当然仲有加入唔同调味料或者配菜嘅变种。塩拉面汤底由鸡、猪骨同葱煲成，熟成塩就系用高速煲将鸡汤、肉碎、葱将味道压缩，因为以短时间萃取，令汤底特别醇厚香甜。就系塩汤咁醇厚嘅味道，今日拣咗人气嘅鲜味蛤蜊浓汤拉面。一上枱先闻到葱香，大大堆蚬堆砌系面上。先推倒饮汤。除咗有熟成塩汤嘅醇厚风味，仲多加蚬嘅鲜味，一啲都唔腥。蚬肉份量都几多，数过有成14只。呢度枱面有大量唔同种类嘅调味料，可以为你碗汤变口味，特别啲有柚子胡椒酱、黑蒜酱、梅子酱、辣油，枱上餐牌都有建议嘅组合。俺流除咗喺日本有拉面店之外仲有饺子店，所叫多客饺子试吓，呢个明太子芝士饺子的确惹味。明太子咸咸香香加埋热溶拉丝芝士嘅邪恶同碗面成一大对比，但系都好好食。