鬼金棒

营业中

休息中

同朋友都系拉面爱好者，于是一齐试下呢间日本过江龙拉面店 — 鬼金棒一入到餐厅就好似置身于日本拉面店咁，而且更展示左各种鬼怪面具同摆设，设合店名鬼金棒既主题。拉面店主打麻辣味噌拉面，客人可以自行选择自己想食嘅辣度同麻度。除咗拉面之外，更有饭、拌面同埋沾面等等。餐厅好细心，预备左围裙，惊客人食拉面既时候整污糟件衫。炒豆芽菜麻辣味噌拉面(追加味玉，小麻小辣)拉面系即叫即整，份量都几多几足料，先讲讲汤底，浓稠度适中，拣左小辣小麻，唔算好辣，唔太食得辣既朋友就岩哂，好香味噌同麻油既味道。叉烧大大嚿、半肥瘦，肥瘦分明，口质软腍入味。拉面比较粗身，食落有咬口，烟烟韧韧，而且好挂汁。豆芽菜既份量好多，新鲜爽口。味玉辣麻味噌拉面(追加粟米荀，小麻小辣)粟米笋有好多条，爽口而且新鲜清甜。味玉都好正，中间系糖心，蛋香味浓郁。同朋友一致认为叉烧好正，于是encore，追加多份叉烧，推荐！食辣野又点少得配汽水，绝配！