影片
更多
2020-01-13
315 浏览
因为好耐冇食泰菜, 今日同两个朋友专登约黎喱度试吓。 预先上 openrice 订左 3 位 7pm, 我同友人 未到 7pm 就去到, 唔使等, 但啲枱已经坐满咗大半。餐厅喺 1/F, 要行楼梯上一层。 我哋被安排坐喺窗边卡位, 坐得好松动同舒服。我地坐低左, 因为唔知碟头有几大, 唔敢叫太多, 所以点咗 5 样嘢 share 食, 有生虾、 无骨凤爪、 泰式炒通菜、 鲜虾炒金边粉同埋香芒蟹肉炒饭。等左大约 10 分钟左右, 第一样嚟到嘅竟然系泰式炒通菜 😱 见到其他比我哋迟落柯打嘅枱, 生虾同无骨凤爪已经到咗, 我哋知道应该系漏咗单, 就请侍应帮我哋跟进, 不到 2 分钟, 生虾同无骨凤爪都到咗。首先讲吓个生虾, 有虾嘅鲜味, 而且爽口, 好味, 但友人就觉得虾肉唔够厚身, 我就觉得好好味, 好新鲜 😋; 而酱汁方面, 因为唔想破坏虾原有嘅鲜味, 所以冇点嚟食。到无骨凤爪, 酱汁有些少青柠清香同少少鱼露嘅咸香味, 仲辣辣哋, 好醒胃, 而且质地爽弹, 但有啲位置有少少筋, 有啲硬, 但整体味道唔错。至于泰式炒通菜, 见到有泰式咸鱼粒喺入面, 都几大嚿吓, 唔系砌到碎晒见唔到𠮶啲咁,
我地坐低左, 因为唔知碟头有几大, 唔敢叫太多, 所以点咗 5 样嘢 share 食, 有生虾、 无骨凤爪、 泰式炒通菜、 鲜虾炒金边粉同埋香芒蟹肉炒饭。
等左大约 10 分钟左右, 第一样嚟到嘅竟然系泰式炒通菜 😱 见到其他比我哋迟落柯打嘅枱, 生虾同无骨凤爪已经到咗, 我哋知道应该系漏咗单, 就请侍应帮我哋跟进, 不到 2 分钟, 生虾同无骨凤爪都到咗。
首先讲吓个生虾, 有虾嘅鲜味, 而且爽口, 好味, 但友人就觉得虾肉唔够厚身, 我就觉得好好味, 好新鲜 😋; 而酱汁方面, 因为唔想破坏虾原有嘅鲜味, 所以冇点嚟食。
生虾
1 浏览
0 赞好
0 留言
到无骨凤爪, 酱汁有些少青柠清香同少少鱼露嘅咸香味, 仲辣辣哋, 好醒胃, 而且质地爽弹, 但有啲位置有少少筋, 有啲硬, 但整体味道唔错。
无骨凤爪
4 浏览
0 赞好
0 留言
至于泰式炒通菜, 见到有泰式咸鱼粒喺入面, 都几大嚿吓, 唔系砌到碎晒见唔到𠮶啲咁, 所以都有啲咸鱼嘅香味, 仲有啲甜甜哋, 份量亦唔细, 3 个人再加其他嘢食真系几饱吓。喱个时候已经坐无虚席。
泰式炒通菜
11 浏览
0 赞好
0 留言
再嚟就系鲜虾炒金边粉, 喱个系咁多样嘢之中我觉得最好味嘅。 喱个炒金边粉上面有一只用炸粉包住嘅鲜虾, 但由于友人食咗, 所以唔知味道如何, 但金边粉入面亦有不少虾, 啲虾肉爽口, 配埋酸酸甜甜炒得有镬气嘅金边粉, 真系好开胃又惹味。
鲜虾炒金边粉
24 浏览
0 赞好
0 留言
食紧嘢嘅时候, 连最后一道香芒蟹肉炒饭都到埋, 蟹肉混喺炒饭入面, 有蟹鲜味, 而且食到好似有沙同蟹壳碎咁, 令我觉得系鲜蟹肉 (虽然唔知系咪 🤪), 而芒果方面, 全部芒果甜酸度适中, 而且好香芒果味, 配合埋啲蟹肉, 酸甜鲜配搭令成个炒饭好清爽。
香芒蟹肉炒饭
28 浏览
0 赞好
0 留言
总括嚟讲, 今次食嘅泰国菜味道不错, 而且环境舒适又唔迫, 一入到餐厅, 灯光昏暗, 面积都算大, 而且今日天气有啲凉, 有啲风喺窗边吹入嚟, 一边享受住美食, 一边同朋友倾计闲谈, 有啲似落咗 bar 咁, 好 relax, 系一个不错嘅朋友饭聚地点。
张贴
