影片
更多
2022-01-21
392 浏览
今日早放lunch，试下德福新开拉面店（其实都开左一段时间，系未有机会试），门口买飞就入去坐，得巴枱，每个位上面都有水杯同水壶，好日式呀！仲有个篮俾你放野，好细心呀！咳咳！都系讲返野食！佢得四款拉面，我买左黑蒜豚骨拉面，来的一碗，黑黑的黑蒜油盖满了成碗面，只见上面有木耳丝同葱花，一大块紫菜，仲有一砖猪肉，嗯！系一砖，方型五花腩，皮有焦，应该系烧过或者煎过，汤中隐约有一团暗红色的，似系香辛料，还有淡黄色的拉面，唔好忘记仲有原只流心蛋。先试一试汤，拨开黑蒜油，下面系奶白色的猪骨汤。嗯！好香浓嘅猪骨汤！但面嘅黑蒜油入口就有啲油腻。再打散辛香料，再试一口汤，无左油腻感！而且微辣仲令浓汤同黑蒜油味道更加特出！然后试下面，面系正常size, 有啲烟韧，好挂汤，无怪味，连埋汤，木耳丝同葱一齐食，好好食。平时拉面嘅蛋系开半嘅，而且通常都会腌左酱油，上左色，但呢度就系原只上，无上到色，咬开就见到流心蛋黄流出！好吸引！连汤一齐食，有蛋香，有浓汤，口感丰富！最后讲下果砖猪肉，我觉得系唯一不足之处。肉其实都淋，但方型肉砖，肉嘅纤维太长，除非煮到好似东坡肉咁淋，否则有啲难咬断，搅到食完要用牙签。肉系有肥肉的，但
佢得四款拉面，我买左黑蒜豚骨拉面，来的一碗，黑黑的黑蒜油盖满了成碗面，只见上面有木耳丝同葱花，一大块紫菜，仲有一砖猪肉，嗯！系一砖，方型五花腩，皮有焦，应该系烧过或者煎过，汤中隐约有一团暗红色的，似系香辛料，还有淡黄色的拉面，唔好忘记仲有原只流心蛋。
先试一试汤，拨开黑蒜油，下面系奶白色的猪骨汤。嗯！好香浓嘅猪骨汤！但面嘅黑蒜油入口就有啲油腻。再打散辛香料，再试一口汤，无左油腻感！而且微辣仲令浓汤同黑蒜油味道更加特出！然后试下面，面系正常size, 有啲烟韧，好挂汤，无怪味，连埋汤，木耳丝同葱一齐食，好好食。平时拉面嘅蛋系开半嘅，而且通常都会腌左酱油，上左色，但呢度就系原只上，无上到色，咬开就见到流心蛋黄流出！好吸引！连汤一齐食，有蛋香，有浓汤，口感丰富！
最后讲下果砖猪肉，我觉得系唯一不足之处。肉其实都淋，但方型肉砖，肉嘅纤维太长，除非煮到好似东坡肉咁淋，否则有啲难咬断，搅到食完要用牙签。肉系有肥肉的，但唔肥腻，入口溶化，有油香。皮烧焦增加了肉香。所以其实佢再煮淋啲就会好好。
整体上我系几喜欢呢个豚骨拉面，下次可以试另一款。
黑豚骨拉面
$82
30 浏览
0 赞好
0 留言
张贴
