影片
更多
2018-08-08
871 浏览
一向都好中意去茶楼一盅二件, 不过上星期时间有啲紧, 所以就同左老豆妈咪去左点心专门店食点心, 快快食完快快开工~ 系佐敦附近行左一阵, 见到呢间起正大街既"粤厨点心专门店" 地方好似又大又唔错, 门面几干净又几多客帮衬紧 望下价钱唔贵, 于是就入去了~ 原来呢间粤厨我一直都有帮衬开! 我平时去开深水埗店 估唔到原来都系佢既分店, 呢间地方比较大, 舒服好坐好多~ 我地见唔系几饿, 就点左几款点心, 包括有怀旧糯米鸡、养颜姜汁糕、香茜牛肉球、腊肠蒸鸡饭、煎疍牛肉饭等等 怀旧糯米鸡 - 份量都几大, 糯米好软糯、入面材料好丰富呀!!! 有咸疍黄,鸡肉,香菇, 一打开香味四散呀~ 以28蚊来讲都好抵食, 材料好足, 鸡肉都好嫩滑, 食完饱肚满足! 香茜牛肉球 - 水准之作, 三大粒又嫩滑又弹牙既牛肉, 肉质弹牙, 再加上香茜同小粒既马蹄, 好香好好味! 洒上点酸酸既喼汁, 开胃醒神! 腊肠蒸鸡饭 - 份量好多,有几块大大既蒸鸡肉再加上三片腊肠, 鸡肉肉质好嫩滑, 食落去好juicy又有咬口, 再上腊肠都好好食, 正! 煎疍牛肉饭- 牛肉怪又再encore 牛肉, 牛
一向都好中意去茶楼一盅二件, 不过上星期时间有啲紧,
所以就同左老豆妈咪去左点心专门店食点心, 快快食完快快开工~
系佐敦附近行左一阵, 见到呢间起正大街既"粤厨点心专门店"
地方好似又大又唔错, 门面几干净又几多客帮衬紧
望下价钱唔贵, 于是就入去了~
原来呢间粤厨我一直都有帮衬开! 我平时去开深水埗店
估唔到原来都系佢既分店, 呢间地方比较大, 舒服好坐好多~
我地见唔系几饿, 就点左几款点心, 包括有怀旧糯米鸡、养颜姜汁糕、香茜牛肉球、腊肠蒸鸡饭、煎疍牛肉饭等等
怀旧糯米鸡 - 份量都几大, 糯米好软糯、入面材料好丰富呀!!! 有咸疍黄,鸡肉,香菇, 一打开香味四散呀~
以28蚊来讲都好抵食, 材料好足, 鸡肉都好嫩滑, 食完饱肚满足!
香茜牛肉球 - 水准之作, 三大粒又嫩滑又弹牙既牛肉, 肉质弹牙, 再加上香茜同小粒既马蹄, 好香好好味! 洒上点酸酸既喼汁, 开胃醒神!
腊肠蒸鸡饭 - 份量好多,有几块大大既蒸鸡肉再加上三片腊肠, 鸡肉肉质好嫩滑, 食落去好juicy又有咬口, 再上腊肠都好好食, 正!
煎疍牛肉饭- 牛肉怪又再encore 牛肉, 牛肉好嫩滑呀!!!质地唔会松散但又唔会太实, 口感好好!
再加上疍味十足既煎疍同惹味既酱油, 丰富又饱肚!
养颜姜汁糕 - 烟烟韧韧, 口感qq, 甜度适中唔会太甜, 有阵阵姜味但又唔会辣喉, 好食呀!
粤厨点心专门店
油麻地弥敦道466-468号地舖
24543339
张贴
