興中會 (已結業)

今日同朋友经过兴中会，见佢几特别，食点心但系bar既装俢，就入去试下😮点心方面，佢系逐粒叫既，唔洗逼住一款食3-4粒。我地叫咗自选点心拼盘 $98 (10件)，有兴中会虾饺皇、蟹籽烧卖皇同鲜虾菠菜饺🥟虾饺大大粒，虽然皮有啲厚，但虾肉多汁弹牙，几好食🦐烧卖既猪肉同虾肉味浓，肉质爽口。菠菜饺馅料多，食落好清新健康。另外，我地仲叫咗荷叶金针云耳蒸鸡饭一齐share。荷叶饭味好香，一打开见到好多鸡肉同云耳铺系饭上面，份量都几多👍🏻鸡肉嫩滑多汁，饭充满鸡油同荷叶香味﹐正。特别一赞既系侍应态度都好好，招呼周到又有礼貌。