添好運點心專門店 (已結業)

新年最紧要饮个靓茶，又点可以放过呢间米芝连茶楼。一行8人，加上新年，排队嘅人都几多下，排左一阵终于畀得地排到，可以入座。呢度都系一个好讲效率嘅地方，一坐底就上茶，之后你望到嘅每个角落，都会有点自家嘅广告，野食嘅大头相。一坐低唔会有屋村酒楼果种，好懒可以坐一日嘅气氛，老实讲似食快餐多过饮茶。如果唔系想朝圣，一行咁多人真系应该要拣翻屋村酒楼，野食可能质素无咁好，但至少有空间倾下偈、讲下笑。讲翻野食，果日嘅排骨饭偏肥岩晒我个fd食开肥腻野，但转著系我就一般般啦，饭又煮得唔错，岩食嘅都。仲有虾饺，个皮唔系真系好薄，有点痴牙，觉得下次可以点多次，睇下系佢今次蒸得唔好定系手工唔好。其他野，一冲路吹水，一翻边食都无咩特别印象。