點點心

营业中

休息中

佐敦渡船街就係一個好野食嘅地方啦，而且條街周圍都好多地方可以泊車，咁今日係尖沙咀收工，女友就建議渣車去果度食下點心咁啦！泊好車之後就就行入餐廳啦，見到有好多外國遊客呀，原來都幾出名呀！好啦，坐低點餐啦！對住個餐紙，真係花多眼亂呀！最後我地就選擇左e幾款點心啦！花菇滑雞飯，d飯煮嘅時間係剛剛好，有時候係出面酒樓食果d都係好乾呀！飯好有口感，而且雞就好滑，唔錯唔錯。之後就係香煎蘿蔔糕啦，好足料，食落去就都重有d蘿蔔絲呀，不過如果會跟埋d甜醬就好d啦！之後就係金沙肥豬仔流沙包，佢係用左豬嘅造型，三隻小豬，食落去好白奶黃味，而且就真係好流沙呀！出面好多都係一舊舊咁樣，e個就真係值得推介。到蝦餃同燒賣啦，都非常足料，特別係蝦餃，總係覺得佢地d點心係比起酒樓食果d係好味d呀！唔怪得之咁出名同埋咁多人黎啦！會再黎。