活在茶下

营业中

休息中

食咗鸡蛋仔铁观音雪糕，价钱算小贵，不过味道唔错，而且够特别，喺得海港城食呢个价钱都可以接受嘅。但系真心奉劝呢间舖头正视吓𠮶位男店员嘅态度问题。啱啱碌左一下以前啲评论，发现原来已经有好几个人发表左相同嘅感想。𠮶位男店员由落单到收银全程态度非常不耐烦，对客人极不友善，最后领取食物𠮶阵仲呼喝客人「羹呀！！」对第一次帮衬嘅客人嚟讲，唔熟悉你哋嘅程序，反应慢少少都好正常啩？有必要咁嘅态度嘛？老实讲，你哋嘅食物有质素有特色，俾个别员工影响形象就太可惜喇。可能佢做嘢好叻好有能力，但系似乎唔适合接待客人啰。