影片
更多
2015-03-31
2163 浏览
投openrice今年最佳餐厅嘅时候发现咗哩间餐厅嘅存在，又咁啱有事出观塘，路过嘅时候就走入去食试吧。睇过啲食评，有人话哩间嘅鸡有时会烤得有啲干的，所以我有考虑过食【巴东牛肉饭】架 但记得上次去荃湾𠮶间好出名嘅【正宗山西刀削面】，因为我个人唔系几中意刀削面嘅口感，反正𠮶段时间我又经常喺𠮶边，所以食咗醉鸡菜饭，结果大失所望。结果到宜家都仲未有机会返翻去，令我有多少耿耿于怀添 今次唔博喇，就要大受欢迎嘅【印尼黄锦饭】啦先食右上角嘅豆。。。辣系第一感觉，腌辣咗嘅豆令旁边嘅饭都变辣了 但其实并唔系太辣，辣得黎保仲留咗豆本身嘅清甜味，豆口感嫩嫩的～可能系因为厨师知道豆算偏辣，唔系个个人受得起，旁边放咗两片新鲜青瓜协调一下，非常唔错 黄饭带少份量嘅姜令到啲饭唔会有单调嘅感觉，亦唔会抢走其他𩠌嘅风头，口感干中带软，厨师深明此中之道啊因为食咗啲辣野，所以我想试试左下角嘅瓜，连带食咗啲椰丝。哩只瓜感觉系节瓜，软软的，调味甜中带咸，但唔会过浓，感觉上就似祖母辈嘅出品，食得舒舒服服 椰丝系橙色的，味道同一般白色嘅椰丝唔一样，稍为甜少少，感觉上就系白糖同黄糖之间嘅分别 但辣豆系辣的，同瓜嘅甜味完全唔同，就好
睇过啲食评，有人话哩间嘅鸡有时会烤得有啲干的，所以我有考虑过食【巴东牛肉饭】架 但记得上次去荃湾𠮶间好出名嘅【正宗山西刀削面】，因为我个人唔系几中意刀削面嘅口感，反正𠮶段时间我又经常喺𠮶边，所以食咗醉鸡菜饭，结果大失所望。结果到宜家都仲未有机会返翻去，令我有多少耿耿于怀添 今次唔博喇，就要大受欢迎嘅【印尼黄锦饭】啦
先食右上角嘅豆。。。辣系第一感觉，腌辣咗嘅豆令旁边嘅饭都变辣了 但其实并唔系太辣，辣得黎保仲留咗豆本身嘅清甜味，豆口感嫩嫩的～可能系因为厨师知道豆算偏辣，唔系个个人受得起，旁边放咗两片新鲜青瓜协调一下，非常唔错 黄饭带少份量嘅姜令到啲饭唔会有单调嘅感觉，亦唔会抢走其他𩠌嘅风头，口感干中带软，厨师深明此中之道啊
因为食咗啲辣野，所以我想试试左下角嘅瓜，连带食咗啲椰丝。哩只瓜感觉系节瓜，软软的，调味甜中带咸，但唔会过浓，感觉上就似祖母辈嘅出品，食得舒舒服服 椰丝系橙色的，味道同一般白色嘅椰丝唔一样，稍为甜少少，感觉上就系白糖同黄糖之间嘅分别 但辣豆系辣的，同瓜嘅甜味完全唔同，就好似食紧两道菜咁，令我有种怪怪地嘅感觉。但我唔知道正宗嘅【印尼黄锦饭】系点嘅，所以觉得怪归怪，但不予置评
当然同时亦试埋旁边嘅花生，甜甜的，系蜜糖花生，一粒粒嘅花生本身够香，俾啲清甜嘅蜜糖粘住，整体嘅味道又香又甜 我唔知哩味花生系唔系自制的，但味道真系几好
之后试嘅就系右下角嘅【巴东牛肉】了，之前喺湾仔【莎巴】食过，两者感觉好唔同，【莎巴】嘅出品味道好浓，非常地浓，牛肉粗中带软，同油酥饼一齐食觉得好好味，但真系好浓，同浓过龙嘅感觉只差一线，好有个人风格 哩间嘅出品就完全唔一样喇，牛肉嫩嫩的，煮得好入味，系甜中带咸的，感觉上系红萝卜嘅甜，加上牛肉味，配合得认真地好，好舒服，平易近人得多 汁嘅份量亦俾得啱啱好，冇过多亦冇唔够，有经验
食完浓味嘅牛肉，就想试试只蛋了。试过其他地方嘅卤蛋，唔系黄到烂，就系哩只，一般睇到哩种白色都打定输数。因为要保持到外黄内白嘅靓样之后仲要入味系几有难度的 我一啖搞掂佢。。。嗯。。。都几好味啵 意想不到，卤味食落舒服，口感结实。白色的蛋白，淡黄色嘅蛋黄都咁够味，真系有啲匪夷所思
最后要试嘅就系左上角嘅烤鸡了，系一件鸡胸肉，哩个部位嘛，烤得唔干就收货了，试啖，口感偏实，未算干嘅程度～烧烤味的，味道中规中矩吧。
整体味道都几好味，试下冇坏，但总觉得好似少咗种亲切感，应该冇下次喇～
张贴
