影片
更多
2020-12-10
2696 浏览
尖沙咀既亚士厘道一向都系尖沙咀既世界桃源,虽然尖沙咀人流多,但亚士厘道位置比较偏僻,好多时侯都系揾食先会行到依个地方,时隔多年,再次黎到依一个世外桃源,发现开左一间新既餐厅,叫Auroru Fusion Restaurant,好有意境既名,极光餐厅,仲要系fusion菜,依个年头fusion菜真系买少见少了,误打误撞之下揾到依一间,仲要系良心小店,就试一试佢。餐厅地理位置虽然比较偏僻,但系餐厅既装修一啲都唔马虎,不伦内外都装修得美仑美奂,我坐既位置系正门口,对正bar台,睇住师傅用心制作美食,加上精致既内部装修,真正令人未出发先兴奋,同行友人一坐低已经疯狂打卡,明明食物都未上台。我同朋友今日就点左竹炭天妇罗虾卷,波士顿龙虾海葡萄沙律,芝士涷肉沙津同埋德国肠拼盘。首先上场既系作为前菜既波士顿龙虾海葡萄沙律,由于系冷盘既关系,上菜既时候餐厅仲同时上左一个冰盘,相信目的系为左保持低温。餐厅既用心,系依一个细节位已经可以见到。更重要既系,好多人可能会担心连冰盘上,沙律会变得太涷,而餐厅系依一方面做得好好,冰块既作用系类似保温,沙律入口唔会过涷,而系岩岩好既温度,只讲依一方面既调节技巧都可以睇得
餐厅地理位置虽然比较偏僻,但系餐厅既装修一啲都唔马虎,不伦内外都装修得美仑美奂,我坐既位置系正门口,对正bar台,睇住师傅用心制作美食,加上精致既内部装修,真正令人未出发先兴奋,同行友人一坐低已经疯狂打卡,明明食物都未上台。
我同朋友今日就点左竹炭天妇罗虾卷,波士顿龙虾海葡萄沙律,芝士涷肉沙津同埋德国肠拼盘。首先上场既系作为前菜既波士顿龙虾海葡萄沙律,由于系冷盘既关系,上菜既时候餐厅仲同时上左一个冰盘,相信目的系为左保持低温。餐厅既用心,系依一个细节位已经可以见到。更重要既系,好多人可能会担心连冰盘上,沙律会变得太涷,而餐厅系依一方面做得好好,冰块既作用系类似保温,沙律入口唔会过涷,而系岩岩好既温度,只讲依一方面既调节技巧都可以睇得出师傅既能力系几好。味道方面,更加系无得弹,首先龙虾依个食材既肉质同口感由于系低温下完全保留住,调味亦都近乎完美。最令我喜出望外既系海葡萄,餐厅用左两种不同既海葡萄去做依个料理,海葡萄系一种超级食物,但怕冷又怕热超难处理,不过正正就系前面提到过餐厅系温度方面既处理,完美发挥左海葡萄依一个食材,超清爽,两种海葡萄既口感又有少少分别,混合一齐更加系超出我意料既好味,餐厅另外再加上芝麻酱,令到层次更上一层楼,实在系精彩。本身点餐既时候,我以为龙虾肉系主角,但其实海葡萄先系依个菜既灵魂,非常精彩既一道菜,5星推荐。
第二个上菜既系芝士涷肉沙津,餐厅本身已经将芝士同涷肉切粒放入玻璃入面,上菜既时候师傅会系你面前将玻璃打开,将食材放入准备好既沙律低入面,又系一道大饱眼福既菜色。份量方面,唔好睇menu好似得一个玻璃杯,细细份咁,其实成道菜系玻璃杯入面既都系肉同芝士,超级大份,仲要有一份沙律低,同行朋人同我睇到都吓一吓,又大份又好睇,重点系又好味,点解可以有咁完美既菜。味道方面,芝士粒同肉粒既口感都系一流,芝士唔会太租,反而系好重芝士味,肉粒既肉味好出色,唔好以为我讲既废话,因为食材有本身浓郁既味道证明左餐厅同既都系新鲜同高级既食材,加上沙律低既新鲜菜及沙律汁,完美配合,真正表现左完美两个字既一道菜,又系5星推广!不过美中不足既系餐厅动作太快啦,我影唔切佢开玻璃倒野出黎既一刻,可惜可惜。
第三个上场既系德国肠拼盘,拼盘上面有5种唔同特色既香肠,每一款都系唔同口味,有长有短岩晒唔同人既口味。系依到我想讲下我食依个菜既时候一个经历,就系有一条系芝士肠黎,亦都系我最钟意果条,我第一啖咬落去,啲芝直喷晒出黎,流晒心超邪恶,仲唔小心喷左出走廊,真系有少少对唔住清洁姐姐。如果系爱食德国肠既人,我大力推荐依道菜,餐厅即叫即整热辣辣,又多汁好味,讲系我食过最好味既德国肠都唔过份,大大大力推荐。
最后系, 竹炭天妇罗虾卷,做成寿司既天妇罗虾卷加上明太子酱,又系一道卖相超好既菜式。影相打卡之选。天妇罗应该系即叩即炸,超脆,食落好爽口,寿司既饭用左燸米,比一舨既寿司更饱肚,紫菜方面,唔系平时食到既紫菜,唔脆但系紫菜味浓,脆既部份由天妇罗补充返,整体黎讲配合得非常之好,寿司上面既明太子酱亦起左锦上添花既作用。不过不幸地,由于餐厅既食物真系太大份啦,我同一位同行友人去到依一刻已经完全食唔晒了,所以打包左,但最神奇既地方系打包后脆度依旧,实在系太满足啦。
张贴
