曲奇四重奏 (已搬遷) 新店位置

等咗咁耐，终于拎到曲奇噜．．．款款都咁好味！好松脆好香！最爱系朱古力味！但服务就令人激气噜！收银明显系新手，我每问一个问题佢都要我等等，之后走去后面问另一位做紧嘢嘅职员。其实都可以原谅，人人都试过做新人。但佢哋系咪应该唔好等星期六最多人嘅时候先揾个新人嚟返工呢？比晒钱落咗订，再问一吓如果指定日子嚟唔到，可唔可以迟一、两日嚟，Lee 个时候喺后面做紧嘢嘅职员就好决绝话唔得！但上次嚟𠮶时，老板谢宁小姐话无问题，只要打个电话通知佢哋一声就可以了！我谂无人会 100% 肯定下星期嘅事啩？我点会预知到自己驶唔驶 OT 呢？！讲嘢咁绝系咪就系可以话事嘅老板同唔可以话事嘅员工之间嘅分别呢？最最最激气嘅系，我比钱订完谂住走，个收银先话四点钟会有少量嘅曲奇卖！而𠮶时系三点十一！点解佢唔早啲讲呢？等我唔驶下次又特登出嚟吖！P.S.如果系谢宁小姐喺度，服务系 5 分，因为上次佢真系好 Nice！但今次，无可能比到咁高啰．．．