影片
更多
2021-03-06
231 浏览
因為想食比較特別嘅西餐, 所以搵左呢一間西班牙餐廳，我喺鑽石山地鐵站行過去大約15分鐘～ 佢係一個大型商場miKiki入面，都有好多巴士過嚟，重點係有露天位選擇，呢個天氣坐出面都好chill ! 餐廳唔太大但係氣氛好放鬆^^餐牌上面嘅菜同平時西餐都幾唔同餐湯叫左甘筍忌廉湯配蒜蓉包，佢好貼心，可以揀一人份量或者三至四人份量，我叫咗一人份量28蚊，都幾大碗，料好足，入口甘筍味好甜，忌廉好滑身得來又有少少甘筍嘅口感同顆粒感，滿足香濃，但又唔會覺得有甘筍嘅草青味！蒜蓉包略嫌唔夠脆身，但係蒜蓉好香，配甘筍忌廉湯啱啱好，就咁一個湯已經令我有少少期待跟住落嚟嘅食物啦！前菜叫左西班牙辣肉腸炒蛋配脆馬鈴薯絲，我覺得係我食過最好食嘅炒蛋！因為口感真係好特別，西班牙辣肉腸味道有少少似莎樂美腸，咸香味好回甘！但係佢又好似中式臘腸咁樣切得好厚身，食落好有質感！炒蛋方面係滑蛋，生熟到啱啱好，有少少似日本咖喱飯上面嘅蛋,再配埋一個炸到非常之酥脆嘅馬鈴薯絲，一齊食又香脆又滑蛋又有肉腸嘅口感，成件事真係好夾好夾！呢一道菜相對就比較重口味，因為辣肉腸都偏鹹，但係配埋馬鈴薯絲就感覺啱啱好，好似食緊一個主菜咁，成件事好有層次
餐牌上面嘅菜同平時西餐都幾唔同
餐湯叫左甘筍忌廉湯配蒜蓉包，佢好貼心，可以揀一人份量或者三至四人份量，我叫咗一人份量28蚊，都幾大碗，料好足，入口甘筍味好甜，忌廉好滑身得來又有少少甘筍嘅口感同顆粒感，滿足香濃，但又唔會覺得有甘筍嘅草青味！蒜蓉包略嫌唔夠脆身，但係蒜蓉好香，配甘筍忌廉湯啱啱好，就咁一個湯已經令我有少少期待跟住落嚟嘅食物啦！
甘筍忌廉湯配蒜蓉包
$28
7 浏览
0 赞好
0 留言
前菜叫左西班牙辣肉腸炒蛋配脆馬鈴薯絲，我覺得係我食過最好食嘅炒蛋！因為口感真係好特別，西班牙辣肉腸味道有少少似莎樂美腸，咸香味好回甘！但係佢又好似中式臘腸咁樣切得好厚身，食落好有質感！炒蛋方面係滑蛋，生熟到啱啱好，有少少似日本咖喱飯上面嘅蛋,再配埋一個炸到非常之酥脆嘅馬鈴薯絲，一齊食又香脆又滑蛋又有肉腸嘅口感，成件事真係好夾好夾！呢一道菜相對就比較重口味，因為辣肉腸都偏鹹，但係配埋馬鈴薯絲就感覺啱啱好，好似食緊一個主菜咁，成件事好有層次好用心煮！
西班牙辣肉腸炒蛋配脆薯仔絲
$88
9 浏览
0 赞好
0 留言
tapas brew roasted suckling pig 特色乳豬，西餐好少見到有乳豬，分量唔算超級大，我覺得兩個女仔分享啱啱好，一個女仔食可能就會太多，外皮燒到好香脆，同中式嗰啲唔太一樣，中式嗰啲佢薄脆一片片咁，呢一款除咗外皮香脆之外，入邊肉好厚身，好嫩滑多汁，唔會乾曬，油脂比例重，有層次！乳豬油香味好重，本身冇特別調味，要另外再加燒汁同埋蘋果蓉一齊食。因為覺得呢一個配搭太好，所以都另外叫咗杯蘋果汁，覺得酸酸甜甜同乳豬好夾，中和左乳豬嘅油膩感，食得好開胃！
特色烤乳豬
$188
9 浏览
0 赞好
0 留言
特色烤乳豬
$188
40 浏览
0 赞好
0 留言
特色烤乳豬
$188
23 浏览
0 赞好
0 留言
甜品方面叫左個expresso n yuzu cake ,又係未試過呢一個配搭，本身自己都好鍾意飲咖啡，但咖啡通常出邊都會配朱古力蛋糕，今次配酸酸甜甜嘅柚子真係特別，佢主體大部份都係咖啡味忌廉同蛋糕，中間有一層薄薄嘅有柚子，個口味就變得好清新好清爽，作為甜品啱啱好！
Espresso and yuzi cake
$40
10 浏览
0 赞好
0 留言
雖然因為聽日返工，所以冇開酒飲，但係見到佢有好多紅酒同埋特色嘅嘢飲，幾吸引，下次唔使返工就再食過^^
张贴
