黑木亭-お食事処 (玉成大廈) (已結業)

一直都有听闻呢间日本料理质素唔错，作为大西北人既我，今日系元朗行街，又好想食日本野，咁好机会就即刻入去试下啦！ ------------------------------咁岩我地两个人，所以就叫呢个二人餐 ，里面包左刺身、卷物，主食同饮品各2、甜品，都几抵食😍😍🟫 刺身有八爪鱼、三文鱼、油甘鱼，新鲜无腥味。三文鱼同油甘鱼本身味道唔错，因为系厚切，所以满足感增加，八爪鱼爽口弹牙😻🟧 火炙左口鱼边卷好好食，劲饱满，炙烧完左口鱼既油香油脂咇晒出黎，真系又香又好食，想encore 添呀！卷入边仲有玉子烧同青瓜，口感丰富，亦都唔会咁容易有油腻感。 🟥角切海鲜丼有巨型甜虾再加三文鱼、吞拿鱼等等。都几大碗下，全部都好新鲜同肥美，鲜虾都好甜，满足！🟦牛肉汤乌冬配炸饺子定食牛肉比较薄切，口感有D似生牛肉，感觉十分嫩滑又充满牛味。加埋乌冬真系谂起都好开胃，炸饺子都炸得金黄色，脆卜卜，饺子馅亦都多汁。 🟪 沙律吧有唔同类型既蔬菜同生果，例如有沙律菜、车里茄、菠萝等等，仲提供埋面豉汤，味道唔差。🟨雪糕系海盐芝麻味呀！ 比较系出面难食到，一入口有少少咸，之后会突出雪糕既甜味，食埋佢就完满了。