摩登士丹里 (已結業)

近排疯狂食芋圆仙草珍珠红豆小丸子之类嘅台式甜品饮品，所以质素口感味道马上高下立见，好野当然想多D人知道，不过每个人口味唔同，所以评语只供参考。经过呢度N次完全冇谂过会帮衬，系见到有介绍所以黎试下，点知好有惊喜。我拣左芋圆系列，要仙草底再加珍珠、红豆同凉粉。红豆最惊艳到我，系我钟意嘅质地，有咬口唔系煮到腍patpat死甜果D，点解咁讲，因为之后食左D唔好好食家啰😪一般芋圆都有紫黄米白色，我真系第一次食到佢地嘅分别，黄色(蕃薯)味道最特出，食得我好满足😌相比下珍珠比较硬，但算系烟韧唔系硬胶果只。呢兜野我一个人食食得我好饱好满意满足。士丹里会系我芋圆嘅首选！不过呢度出野饮真系有D慢，我本来想要热嘅，佢话要等10分钟，我唔想等所以改做冻，但点知都系等左10分钟。