Solé (已結業)

今日去左megabox 试下法国大餐，餐厅装修几靓，摆位松动，好岩一边食饭一边倾偈。个套餐有得拣四款小食，几款小食都好精致味道都唔错，啱晒做餐前小食。之后系洋葱汤，好香浓，汤入面啲洋葱经过慢火煮过，好软滑清甜，配上香脆既法国包，岩岩好。之后就系两个主菜，羊架，肉质鲜嫩多汁，配上香草，一啲so 味都无，推荐。而煎鳕鱼可以讲系色香味俱全，鳕鱼煎得金黄酥脆，入面又十分嫩滑，口感丰富。最后仲有个甜品都唔错，外层酥脆，内里柔滑。