影片
更多
2020-12-02
114 浏览
餐厅超级就脚，一出石门地铁站C出口，眼前第一间餐厅就系面道。面道就好似一间系玻璃盒入面嘅地道日式拉面店模型咁。透过玻璃窗可以见到入面充满日式风味嘅拉面馆吧台，同埋好多好靓嘅宫崎骏电影poster。细心留意可以发现到，吊灯系用日本酒樽加工而成。餐厅布置朴实，但比到我置身日本嘅感觉。秋天嚟啦，难得嚟到就试佢期间限定嘅menu！下次嚟就冇得试啦😋😋🍁味玉法式慢煮鸭胸蚬贝汤拉面$82 🦆🥣首先讲下拉面嘅灵魂——汤。第一啖饮落有d 似日式稻庭冬嘅汤底味，清淡带点鲜味。将鸭肉上面嘅黑松露酱，混合落汤面之后，成碗拉面摇身一变，味道完全唔同左，好神奇。🦆黑松露嘅香味令成个汤头变得浓郁，味道丰富左好多，同时鸭肉味慢慢渗出，越饮汤底越浓郁，由一开始清淡鲜甜变得醇厚。同豚骨汤底唔同嘅系，呢个汤底味道浓郁得嚟质地都系「水」感，所以食到最后都唔会变得浓稠厚腻，适合喜欢清爽汤头同鸭肉风味嘅人。🍜拉面粗幼适中，质感清爽弹牙，浸泡一段时间都唔会软烂。🦆慢煮鸭肉有两大片，质感都几软，肉质唔会孩，几有咬口，而且有鸭肉独特嘅「鸭骚味」，喜欢鸭肉嘅朋友推荐一试。鸭肉同黑松露蚬贝汤嘅组合好新鲜，其他地方未必试到。🥚味玉系超级流
面道就好似一间系玻璃盒入面嘅地道日式拉面店模型咁。透过玻璃窗可以见到入面充满日式风味嘅拉面馆吧台，同埋好多好靓嘅宫崎骏电影poster。细心留意可以发现到，吊灯系用日本酒樽加工而成。餐厅布置朴实，但比到我置身日本嘅感觉。
秋天嚟啦，难得嚟到就试佢期间限定嘅menu！
下次嚟就冇得试啦😋😋
🍁味玉法式慢煮鸭胸蚬贝汤拉面$82 🦆
🥣首先讲下拉面嘅灵魂——汤。
第一啖饮落有d 似日式稻庭冬嘅汤底味，清淡带点鲜味。
将鸭肉上面嘅黑松露酱，混合落汤面之后，成碗拉面摇身一变，味道完全唔同左，好神奇。
🦆黑松露嘅香味令成个汤头变得浓郁，味道丰富左好多，同时鸭肉味慢慢渗出，越饮汤底越浓郁，由一开始清淡鲜甜变得醇厚。同豚骨汤底唔同嘅系，呢个汤底味道浓郁得嚟质地都系「水」感，所以食到最后都唔会变得浓稠厚腻，适合喜欢清爽汤头同鸭肉风味嘅人。
🍜拉面粗幼适中，质感清爽弹牙，浸泡一段时间都唔会软烂。
🦆慢煮鸭肉有两大片，质感都几软，肉质唔会孩，几有咬口，而且有鸭肉独特嘅「鸭骚味」，喜欢鸭肉嘅朋友推荐一试。鸭肉同黑松露蚬贝汤嘅组合好新鲜，其他地方未必试到。
🥚味玉系超级流心，蛋白食到酱油味，入面d半熟蛋浆浓稠香滑，同鸭肉、汤面一齐送入口，满足感爆炸。另外仲有菜苗，京葱、紫菜做配料。
期间限定下次嚟就可能冇左，嚟到不妨一试。
🍺🍗小食追加套餐$38
（包括前菜、小食、饮品各一）
🍥柚子味莲藕片：清爽、淡淡柚子味，莲藕爽口清甜。
🍗啤酒炸鸡槌：外脆内软又juicy，有3大旧，下面铺满炸蒜，炸得均匀又香脆，好正。
🍺生啤 250ml：醇厚清爽嘅asahi 生啤！真材实料！
～～～～～～～～～～～～～～～～～～～～～～～～～
🐷辛口特盛叉烧味玉豚骨酱油拉面 $90🍜
成个汤头就系：温厚浓稠。虽然系辛口，但其实唔系好辣，对于食bb辣嘅人嚟讲都几容易接受。（但完全唔食辣嘅我都要食几啖就饮水🤣🤣）因为豚骨汤底好浓稠醇厚，所以辣得好温和容易入口，不过酱油味就唔系好食到。
叉烧真系重量级有4片，而且每一块都肥瘦均匀，好软熟入味。
面拣左中间嘅软硬度，食到最后面浸得较软，同时汤底越加黏稠，就有点腻。所以配搭啤酒同清爽小食例如沙律、柚子莲藕会更好。
小食追加套餐$38
枝豆：热辣辣上台，而且几够味。
炸池鱼：味道口感都好似多春鱼，但系肉质更饱满，炸得好均匀香脆，每一part 都好酥脆，由头到尾鱼头鱼骨都食得。
生啤 250ml：醇厚清爽嘅asahi 生啤！真材实料🥰🥰
ps：餐厅免费提供辣芽菜，酸酸辣辣，有需要可以向店员索取㗎～
总而言之，餐厅几有风味，几抵食，味道唔错，可以再战。
张贴
