茜麵(西口西麵)

营业中

休息中

系附近整车，朋友介绍嚟呢度话必食花甲同坚系和牛串。一开始以为得外卖，见到隔离写有猫咪所以闩住门。门口贴咗清晰指示先落单再坐位，主打都系唔同汤底嘅花甲汤面。叫咗麻辣花甲，有得免费加芫荽菜蒲，一嚟到发现超多满到成碗都系连啲𩠌都睇唔到，拨开咗见到花甲好多。味道鲜甜，唔系话好辣。惊食到热入坐先再叫可乐，啱啱先找咗个一蚊比我唔知跌咗系边揾极个袋都冇，嘢食嚟到都仲揾紧，老板娘叫我唔好揾住食完先揾返比佢。舖头有养猫咪，对猫咪好好，男店主风趣幽默，女店主劲亲切友善，一路由落单到食完都好多熟客同佢哋倾计，充满人情味。好耐遇过咁友善态度咁好嘅食肆，要讲嘅话个牛有啲少，米线浸得太耐粗咗易断唔弹牙，但系两样嘅味道都好好。冇写开食评，见到上一个post话店主态度恶劣觉得不解，帮佢平反吓。