南豐小廚雞煲火鍋 (已結業)

之前同事吹鸡嚟食宵夜，就对个黄酒鸡念念不忘，经openrice订枱，个鸡煲有半价，真系非常之抵食。黄酒鸡，浓郁既汤底，一打开已经闻到酒香同药材香，份全鸡好干净企理，小店处理食材好好，店员亦都帮手落鸡及话你知煮几耐，鸡肉唔会老，有诚意细心-加分！个汤张相系浸完全部鸡先影，所以全部都系鸡油，但渌其他食材落去又唔系好觉。鲮鱼球必食！鲮鱼球加在柠檬叶，好清香好夹，弹牙够味好食。另外几款手打丸类上次都食过，样样都唔错，水准以上安格斯牛肉二百几蚊碟，虽然都系雪藏牛小排，亦都可以，但如果你系牛魔王对牛肉好有要求，呢款就满足唔到你，建议试其他种类牛肉。有牛坑腩，见到隔离枱嗌左份，一定要试试！其他配料，云吞，鱼皮饺，鱼腐，猪膶等等，全部都几好。酸姜皮蛋普普通通，嗌嚟饮啤酒送下口都几过瘾，大甜大酸。果杯巨无霸柠檬茶真系解渴之选总括食材ok，价钱合理，小炒炸物椒盐等等都水准之上。推介！！唯一挑剔就系个场比较旧。