NZ餐館 (已結業)

呢间餐厅系daddy 选既，仲同我讲系乡下地方，记得要做好防蚊😆如果唔系有车，应该都唔会揾到呢度食🙈呢间餐厅，有位泊车，有得订位。到左之后，已经畀佢个烧鸡既炉吸引左。佢有户外同室内既位，不过出面成30度，都系入室内好。坐底睇完餐牌，都系决定唔叫餐，因为我地两个都食唔到咁多野，加上一开始就决定要叫烧鸡🤣最终叫左暖蟹肉牛油果沙律， 魔鬼鱼，烧鸡。暖蟹肉牛油果沙律($6x)都几特别， 不过挂住食唔记得咗影相。 佢用咗一个牛油果切开两半， 入面放咗杂果沙律加蟹肉， 个面仲有啲芝士焗过嘅， 除咗平时食𠮶啲炸沙律卷之外，第一次咁样食沙律。魔鬼鱼($8x)就好好肉，加上同泰式酱都好夹， 而且就算烧完啲肉都仲好滑，正呀😋烧鸡($11x)就真系好有惊喜啦， 佢有四个酱汁可以拣， 当中可以四选二， 我哋要咗芥末甜酸汁同苹果肉桂。 个鸡一上台果阵，出晒烟超新鲜。 我哋本身谂住可以好易咁用手撕开只鸡， 点知一搣开𠮶阵，一地都谂由鸡髀开始，点知得条骨出咗黎 😂 个鸡就算唔加另外加酱汁，个面都烧得好好食。 一路食只鸡都仲好热，食到鸡胸果阵都仲出紧烟，热到我地要等左一阵先食到。 讲埋个酱汁， 芥末甜酸汁就几开胃，