影片
更多
2007-09-23
29 浏览
七点几约左朋友入深井食烧鹅，因为上次食过陈记，今次就想试下新野。本来打算食裕记，点知去到门口见排晒人龙，我地又唔想等，咁见前面个间「能记烧鹅饭店」冇咩客大把位，成场都系三四台，咁咪谂住一试无妨，点知咁就换黎一次失望。一入门口个老板(唔系侍应)先问我地几位，答佢四个，有一个黎紧。点知佢就即刻黑面好冇礼貌咁问「咁即系仲要几耐先到哑?」我地比佢呢条无聊又多余既问题搞到呆左一呆。我地三个人，你又系开张四人台，我地四个人，你又系开张四人台，个场得个三几围客又唔系多人，根本就大把位，都唔明个老板咁恶屎问条咁既问题黎做咩? 想暗示我地知佢个场好旺生意唔休做，见我地衣著普通又系年轻人就睇人唔起呀? D食物质素一般, 烧鹅好咸，好多大排档都好过佢，条鱼又有腥味，唯一不过不失既就系炒通菜。总括黎讲绝对唔值咁既价钱。我地一行五个人叫左个三送套餐，(本来系四送，落左order先又讲有两样卖晒，建议转条咩星斑)，盛惠四百五十蚊，计埋一支啤酒、一碗濑粉、加一，total埋单要五百五十蚊。唉，咁既服务态度，咁既食物水平，好奇怪间野仲可以生存，仲要claim since from 1962…结论︰打死都唔会有下次﹗
本来打算食裕记，点知去到门口见排晒人龙，我地又唔想等，咁见前面个间「能记烧鹅饭店」冇咩客大把位，成场都系三四台，咁咪谂住一试无妨，点知咁就换黎一次失望。
一入门口个老板(唔系侍应)先问我地几位，答佢四个，有一个黎紧。点知佢就即刻黑面好冇礼貌咁问「咁即系仲要几耐先到哑?」我地比佢呢条无聊又多余既问题搞到呆左一呆。我地三个人，你又系开张四人台，我地四
个人，你又系开张四人台，个场得个三几围客又唔系多人，根本就大把位，都唔明个老板咁恶屎问条咁既问题黎做咩? 想暗示我地知佢个场好旺生意唔休做，见我地衣著普通又系年轻人就睇人唔起呀?
D食物质素一般, 烧鹅好咸，好多大排档都好过佢，条鱼又有腥味，唯一不过不失既就系炒通菜。总括黎讲绝对唔值咁既价钱。我地一行五个人叫左个三送套餐，(本来系四送，落左order先又讲有两样卖晒，建议转条咩星斑)，盛惠四百五十蚊，计埋一支啤酒、一碗濑粉、加一，total埋单要五百五十蚊。
唉，咁既服务态度，咁既食物水平，好奇怪间野仲可以生存，仲要claim since from 1962…
结论︰打死都唔会有下次﹗
张贴