藏 (已結業)

今次坐吧枱，望住师傅整野食，佢地又不时问下我地有冇咩需要，同问食物啱唔啱食，感觉好亲切。叫左个北海市场丼，分量超多！刺身非常新鲜，温度又啱啱好，食完好满足！尤其是系虾，好大只好厚肉，好鲜甜！另外值得一提嘅系佢地用新鲜wasabi, 仲有上埋姜片，啲姜片仲有柠檬mix埋，好有心思。服务方面亦十分好，除左师傅会问下食物上嘅嘢外，waitress服务亦非常好。见到你饮左啲茶，就会自动即刻加返啲热茶；食饭前后分别都有奉上热毛巾。环境方面，呢间餐厅好似系新开，环境好干净好舒服。Overall 所有野都做得好同有心思，值得推荐！