放肆茶舍 (已結業)

因为中意饮有Oreo嘅奶茶，但好少地方有，见佢呢度有，所以之前都买过一次佢嘅放肆Oreo。上次店员话最少都一定要少少甜，咁我唯有试下啦，但始终都系觉得偏甜。今日想去再买，同店员讲想走甜，因为少少甜都系偏甜，但个店员又系死都话冇得走甜。我问佢其实系点解，如果系个奶盖甜嘅话我可以走埋奶盖，但佢话会因为会落少少糖浆。咁我就奇怪，既然你系另外落，咁你唔落咪得，因为Oreo本身都有甜味，但佢就话一定要落，因为POS system冇得比佢拣走甜，佢落唔到个单就唔识做。我真系呆咗，明明menu其他野又比走甜，唔明佢做乜死都要落果个糖浆，客人有request走甜只不过唔落糖or糖浆，点会做唔到？成间铺好似机械人咁好唔识变通，因为部机fix咗就hang晒机咁。咁嘅service同安排，同埋啲嘢又太甜，真系可以唔洗买佢。