影片
更多
2025-02-19
179 浏览
講咗好耐，終於有時間帶埋小朋友一齊嚟，淨係行樓梯嗰吓已經好興奮，超多bearbrick，好壯觀好靚，淨係呢度已經影相影唔停📸呢日係星期六，我哋5點左右去到，未係好多人，所以可以坐到圓形booth位，小朋友勁開心，係咁叫我幫佢哋影相。食物：🥘西班牙海鮮飯雖然話2人份，但係好大份，哥哥食咗啲，我哋2個大人未食晒都飽飽地。材料好豐富，有魷魚、蝦、青口、蜆等，個飯仲好夠味又唔會太鹹👍🏼🍕夏威夷薄餅叫多個pizza係俾小朋友食，餅底好鬆軟，2位大少食唔停，阿哥食完飯仲可以食多3塊，細佬都2塊，轉眼就清咗大半😂🍹士多啤梨荔枝梳打又係諗住小朋友都飲得就叫呢杯，唔會太甜，襯返叫嘅嘢食好解膩👍🏼呢度無論環境定食物都好推介，一家大細帶埋小朋友，啲嘢都啱食，去開尖沙咀搵嘢食嘅可以考慮吓
呢日係星期六，我哋5點左右去到，未係好多人，所以可以坐到圓形booth位，小朋友勁開心，係咁叫我幫佢哋影相。
食物：
🥘西班牙海鮮飯
雖然話2人份，但係好大份，哥哥食咗啲，我哋2個大人未食晒都飽飽地。材料好豐富，有魷魚、蝦、青口、蜆等，個飯仲好夠味又唔會太鹹👍🏼
🍕夏威夷薄餅
叫多個pizza係俾小朋友食，餅底好鬆軟，2位大少食唔停，阿哥食完飯仲可以食多3塊，細佬都2塊，轉眼就清咗大半😂
🍹士多啤梨荔枝梳打
又係諗住小朋友都飲得就叫呢杯，唔會太甜，襯返叫嘅嘢食好解膩👍🏼
呢度無論環境定食物都好推介，一家大細帶埋小朋友，啲嘢都啱食，去開尖沙咀搵嘢食嘅可以考慮吓
张贴
