泰斗 (TKO Gateway西翼) (已結業)

早几日傍晚都想嚟试下呢间开咗无耐嘅泰国餐厅，不过撞正落场时间，今晚仲谂紧游完水食咩好，经过见门口攞飞嘅人唔多，拎飞后好快就入座。点咗菜听到后面枱嘅客人话申请做会员，八卦嘅我即刻睇下枱上申请做会员嘅牌有咩优惠，我哋亦问过店员呢一餐嘅总费用同埋可以即时用返现金券，我哋都申请咗做白金会员，费用系五百，有11张$50现金券同埋其他coupon。多口问埋黑金会员嘅价钱，无记错系六千定六千几。呢一餐我几满意，味道真系唔错，正唔正宗我都唔太清楚，不过就好啱我哋口味。串烧沙爹猪，盐烧牛舌，两款都好好味，原本本时嘅人系钟意牛舌多啲，但系今次猪系更好味，有少少似猪颈肉咁爽但唔系猪颈肉，一啲都唔鞋，好味。泰式香烧鸡(半只)，唔会太干亦唔会好湿，唔会太咸，鸡胸亦唔鞋，份量都几多，唔错。明炉鱼，影得比较差，虽然多幼骨，但系有鱼味。泰式炒河，唔油，又香。橙汁，应该系最唔好嘅一样。