新仙清湯腩咖哩專門店 (已結業)

招牌牛腩双人套餐 $199二人套餐都几多野食，有前菜拼盘六小碟，健康三色菜，牛腩三款，牛腩汤，白饭和饮品。钟意佢全部细细碟，多款式可以每样都试下。清炖牛腩汤即系清汤腩的汤底，牛味浓而且唔油腻。更特别之处系佢用茶壸上，一杯逐一杯咁饮都几过瘾。新仙六宫格头盘小菜六小碟，有秋葵、小番茄、青瓜、花生、木耳同蓝莓酱梨，够特别又 fresh, 睇得出好有心思，欣赏佢。牛腩六选三，我地拣左红烧+ 咖哩 + 清汤。红烧够惹味又唔油腻，除左牛腩仲有牛筋亦好入味，红烧汁用来捞饭真心正。而咖哩就够香够辣，出奇地唔系港式咖哩，反而有少少印度咖哩的风味，有惊喜。清汤伴半肥瘦牛腩，睇得出系最靓的部位，仲有少少胡椒香的萝卜，冇得输啦！三色菜除左肉肉，亦有三款菜菜，够健康套餐包饮品，除了一般的柠茶奶茶之外，仲有好多特色饮品。试左咸柠蜂蜜，够润喉，呢个时候饮返杯，有病医病，冇病强身，一流噃！环境亦干净阔落，会再来试其他野。