鳳城酒家

营业中

休息中

长辈生日，指定要嚟呢度食生日饭。贪味道怀旧，嘢食好味，亦都算经济。一行8人，最开心有大圆枱，老人家一坐低就鸡啄唔断，差啲都唔记得咗要叫嘢食。嚟咗咁多次，始终都最欣赏就系佢个炸子鸡，皮脆肉滑，每一次食都好好味，从来都冇失手。另外虾多士都系好出名，此外佢哋嘅蒸肉饼，大大碟，真系有土鱿，已经唔系好多地方有得食，好啱送饭。虽然佢哋喺楼上，但如果有老人家，系地下可以由住宅大厦搭䢂，不过就要喺厨房𠮶边入返酒楼大堂，但系都起码唔使老人家行楼梯。服务方面，坦白讲都系人手短缺，个个都忙到甩辘，俾咗少少贴士，就自然笑口常开。