活在茶下

营业中

休息中

饮茶最紧要饮佢嘅茶香😊活在茶下嘅茶饮完喉咙好舒服好香✨佢哋主打系茗茶，除咗纯茶之外，仲有一啲手调饮品。茶饮店嘅装修好新颖，入到去感觉好摩登又舒服。门口摆放住唔同嘅茶叶、茶具。烟三文鱼牛油果可丽饼见到三文鱼我就发狂😳入面有几片大大片三文鱼，底部配上大量炒蛋同牛油果，比起平时嘅可丽饼健康好多。入边仲有一小片柠檬，落咗少少柠檬汁之后更加突出可丽饼香味。杭州桂花鸡蛋仔即叫即做，所以热辣辣。咬开每一粒鸡蛋仔都见到有真嘅桂花，所以粒粒都清香，餐厅所有食物都唔会太甜系用健康主打。香葱虾米鸡蛋仔✨呢个咸香好好食！咬落去每一粒鸡蛋仔都真系有虾米，食嘅时候咸咸地好香。虽然系咸嘅鸡蛋仔，但系用手搣嚟食，一啲都唔觉得油腻！铁观音松饼本身好钟意食松饼😳热辣辣好香好松化，佢哋嘅松饼唔会太油腻，成个外型整得好靓好好食。嘢饮方面，试咗茶配燕麦奶，玫瑰绿茶燕麦奶好好饮，饮完之后喉咙清新好舒服！