緣聚西日餐廳 (西裕街) (已結業)

今日爸爸考电单车牌合格咗，我哋当然梗系要庆祝下先啦! 爸爸最爱就系日式放题，近近哋就拣咗元朗呢一间试下先。 门口虽然比较细小，但都唔算难揾。呢间嘢午市时段原来都好多人， 好彩餐厅都算大， 等咗一阵就有位坐啦!墙上嘅吊饰都几得意， 有飞机，又有热气球做装饰， 好儿时嘅感觉。头盘刺身分别叫咗三文鱼，甜虾，八爪鱼，带子，象拔蚌和希灵鱼。 刺身够晒新鲜冰冻， 又大只又厚切，非常鲜甜。寿司款式都好多， 我哋随意点咗好几款。 我特别钟意寿司嘅size比较细件， 一放落口啱啱好。 紫菜够脆，寿司饭唔会太硬，太容易散， 分量好足，外观吸引。所有寿司都是即叫即整，送到还带暖暖的。 排得井井有条，好有层次感。烧物也随意叫咗烧蚝和多春鱼。 烧芝士蚝非常香口， 芝士唔会太腻， 蚝够晒juicy! 而多春鱼烧得非常香脆，唔会太㶶太散。炸天妇罗香脆粉薄， 外脆内软，非常惹味。 食完都唔够喉再encore咗两次!侧边仲有个沙律自助区， 想食乜嘢沙律可以自由配搭。放题罕有地有movenpick食， 有三款味道可以自己选择。出面都有其他甜品和雪糕选择，款式都好多， 梗有一款啱心水。