Amico 1890

营业中

休息中

男朋友生日，又头痕揾边间餐厅食饭嘅时候，上OPENRICE睇到食评都唔错，就预先打电话BOOK左7点半。7点半左右去到，门口已经劲多人排队，心谂好彩有BOOK位。点知。。。BOOK左位都等左半个钟🙄🙄终于安排我地入座，坐2楼沙发位。一上到去已经觉得伏左，劲嘈劲暗我地好快决定叫咩食，但等左半个钟先上菜，饿死啦水牛城鸡翼 ($62)味道觉得似生炒骨味，微辣。肉质外脆内鞋千岛海鲜薄饼 ($128)本身唔中意PIZZA系脆底，另外PIZZA系蕃茄味，偏酸，海鲜有蚬肉/墨鱼配芝士菠萝，整体普通。蓝芝士大虾意粉 ($88)最好食系佢，意粉份量都足够，口感偏硬身，配蘑菇洋葱加上CREAMY嘅酱汁，真系好好味。美国安格斯肉眼 ($178)叫左5成熟，黎左似7成熟，不过中间肉都有少少粉红。因过熟，肉质偏老。配菜嘅薯条外脆内软，好味过主菜。生日甜品 ($58)因男朋友生日，BOOK位时已经讲明要甜品写字。甜品上黎系插住烟花蜡烛，睇到只碟画左花，好靓好有心如果庆祝生日可以拣依间，记得要坐下面，静少少灯光亮啲。