SuperNormal (淘大商場2期)

营业中

休息中

今日难得放假，过咗淘大开心食lunch睇戏。谂紧食咩嘅时候，见到依间喺金满堂隔离嘅Supernormal，睇见lunch set餐都好吸引，咁就一于依度啦😀😀。好似井之头五郎咁食得嘅我，点咗两份set lunch：烧澳洲谷饲肉眼扒配杂菜餐同牛油果它它脆鱼汉堡，咁就可以要哂餐汤同菠萝烤鸡沙律啦🤣🤣。饮品就点要咗冻柠茶，另一杯就加$8升级咗做青瓜薄荷青柠梳打。今日餐汤系忌廉汤，餐汤唔错，菠萝烤鸡沙律，汁酱系沙律醋，加上菠萝粒，好清新。烧澳洲谷饲肉眼扒我叫咗五成熟，一切开粉红嫩肉多汁，面烧得香脆可口，吸引到不得了。澳洲牛肉味通常较香，加上系谷饲牛，所以去肉眼扒好香牛肉味，好好食😋。牛油果它它脆鱼汉堡都唔细只，汉堡包夹住脆鱼柳、牛油果他他酱、厚番茄片同生菜。脆鱼柳同平时食fish&chips一样，脆皮外层包住鲜嫩鱼柳、再加上牛油果他他酱同厚番茄片，食个汉堡嘅时候一啲都唔干，好得😆😆。青瓜薄荷青柠梳打嘅青瓜味好出，加上薄荷同青柠，整杯饮品好fresh🍹🍹。估唔到系淘大会有间咁正嘅西餐厅，下次放假再落淘大睇戏的话一于再帮衬先得😁😁。