好回味 (已結業)

深水埗福荣街真系一条名符其实嘅食街，唔同国家嘅美食都有，今日我同细妹就去咗一间卖东南亚菜，但亦有一般茶餐厅嘢食的舖头吃一个二人餐，HK$98嘅内容如下：玉骨茶香茅烧鲈鱼马拉盏炒芥兰金边粉，簿饼餐饮（加３元转珍多冰）＊每位送一件炸虾饼食后感：玉骨茶：药材味较淡及成份较稀，易入口，排骨几「稔」及入味，每碗有一件排骨，当然佢同正统玉骨茶有分别，不过以咁嘅价钱嚟讲都算ok金边粉：味道淡，感觉同普通河粉冇太大分别，可能系用嚟配𩠌嘅原故簿饼：东南亚式簿饼，要配咖哩进食，不过奇怪在点埋咖哩都唔觉辣（我地都唔食得太辣嘅），不过好在，簿饼唔会太厚身或韧，又有ｄｄ恰到好处嘅㶶，而且饼身大细适中，如果唔辣都可以接受嘅朋友就一定收货香茅烧鲈鱼：比较有少少失色，虽然见ｄ香茅塞咗系条鱼肚内，但真系唔觉有香茅味，好在条鱼都几滑同几大条，鱼皮上面仲洒咗ｄ盐，食落都算有ｄ咸香马拉盏炒芥兰：炒得好香兼有镬气，本来预计呢个𩠌会较咸，但事实系既够味而咸淡又适中，唔会炒得过老，ｄ菜叶好嫩而菜茎亦好稔，而且几大碟，不过，有一点要讲嘅系，我地要小辣，但碟𩠌就整到完全唔辣，觉得有ｄ奇怪（又系辣嘅问题！？）珍多冰：好够冻，椰汁味几浓，