祥興記上海生煎包 (已結業)

今朝刨饮食男女，推介香港100强小食，其中有推介呢间生煎包，今日过开黎鱼鱼鱼食dinner，谂住顺便试下, 当餐前小食。首先申报我唔系大食之人 ，23蚊有4件生煎包，心谂我只可以食一个。 点知，咬左一啖，不能自拔。我地已经系外卖再行到去鱼鱼鱼等位嘅时候先食，第一啖咬落去，仲系十分烫口，跟住你会谂，“点解生煎包个皮好似纸咁薄？”再咬，嗱！系时候啜啖汤汁，唔系，情况就会好似我咁，一半嘅汤爆左出黎，十分浪费。我唯有拼命再啜埋尚有既汤汁，啖汤真系好清甜，唔太油腻好有肉味。接落黎我终于可以连皮连肉咬一口，原来个底系咁松脆，旧肉系有纤维，有咬口，唔系搅碎哂。不得了，如是者，不知不觉我食左2个，再加鱼鱼鱼一大鱼片鱼汤米线。 好在我唔系住荃湾，唔系实变大肥婆了。