饞。台式食堂 (廈門街)

营业中

休息中

今日突然好想食台湾菜😚 就约埋朋友，再次拜访依间系利东街附近嘅台式食店❤️ 食店装修简约清新，里面明亮鲜明嘅灯光十分醒神，俾人感觉洁净又舒适🥰❤️ 我同朋友都㨂咗餐厅高度推荐，食完能量满满超满足嘅三宝系列🤣❤️ 我就㨂咗地道必食嘅台式牛肉面🤭 牛肉大大块超足秤，食落香嫩又多汁，牛味超浓郁，好正👍 面条采用幼身款式，食落好弹牙超有嚼感😚 跟面食还附有萝卜、生菜、酸菜等配菜，非常丰富😋朋友就叫咗盐酥鸡卤肉饭😈🐥 盐酥鸡即叫即炸，上枱散发著邪恶嘅炸油香气😈 真系迷死人🤭 盐酥鸡外皮酥脆，内里鸡肉保持软嫩多汁，鲜明嘅口感对比令人回味三分🤤 卤肉汁好足料，卤肉粒粒分明，半肥瘦啱啱好，咸香又软嫩，伴饭一流👍👍👍 食台湾野点少得台式小食🤭 我哋大包围叫咗个炸物拼盘😘 有齐花枝丸、甜不辣、地瓜球同埋虾卷🤭 超级丰富🫶 🐧 最喜欢地瓜球😚 香脆嘅外皮加上烟韧Q 弹嘅内馅，甜丝丝嘅滋味真系令人上瘾🤤 仲有两杯特色台湾饮品😚 两杯水果风味茶都好浓果香，清香嘅茶味与酸甜开胃嘅果汁完美融合，饮落清新又解腻，配搭炸物饮用非常夹👍🌟