沙嗲王 (現時點)

营业中

休息中

好耐冇食过沙嗲王，几个月前油麻地沙嗲王啱啱装修左，所以成个环境都好坐同新净，如果唔满座，都可以坐好耐。星期日两点几去到都唔洗等位，由于系假期，所以都冇下午茶餐，只系得午餐。1.白咖喱猪扒饭呢个系沙嗲王嘅经典，由细细个食到而家，个味道都冇乜点变，咖喱汁都系好够，而且香茅猪扒都好易入口，成个份量都好大份。2.蟹粉豆腐锅饭豆腐都够滑，因为系用石锅上，所以都好够热，不过蟹粉就唔够多，味道可以再重返少少3.脆虾棒呢个又系沙嗲王嘅经典小食，对比起以前，佢嘅馅料系冇咁多，不过外皮都系脆，上咗菜就要趁热食4.荔枝红茶配寒天波波我哋两个午餐set 都加咗3蚊要呢杯嘢饮，整体来讲，我哋叫咗少甜，佢都系偏甜，同埋啲寒天波波有啲黐埋一旧🫣仲有嘢饮上得比较慢，我哋食晒饭先到。