好日子皇宴

营业中

休息中

两个后生女去饮茶。平日唔使等位就入得，仲要唔洗枱。第一次黎好日子，估唔到入面都几多位，坐都坐得好舒服。不过楼面得两三个人。 两个人叫咗9样点心，食到饱一饱，人均$90。推介嘅有葱花炸两肠、all time favourite 嘅腐皮卷同埋怀旧鱼翅饺。鱼翅饺入面有冇鱼翅就真系唔知，不竟只系20蚊嘅货色，都唔会过分要求。特别讲一讲个饺馅料十分丰富，有虾、猪肉、红萝卜、韭菜。根据一名经常系屯门唔同饮茶嘅朋友讲，呢只饺都比较少见。仲叫咗萝卜糕、煎茄子、银针粉、牛仔骨、芋泥包、咖喱蒸鱿鱼。普遍食物都比较油。 萝卜糕冇咩馅，太淡口。芋泥包芋泥份量好少，而且冇芋泥味，失望。整体而言，没有一个点心好味到令我想再番兜。