新越越式料理 (已搬遷) 新店位置

最近成日有机会在九龙城区出没，周围揾啲小店试吓。我朋友一人叫咗一碗生牛肉汤河，有赞有弹、好坏参半。首先要赞下，店员俾咗兜金不换同青柠我哋，咁样嘅做法好正宗，唔系每一间越南餐厅都会咁做，而我都好开心咁将全部金不换放晒落我碗汤河度。另外，佢嘅牛肉河入面有好多芽菜、生洋葱丝、炸干葱、碎葱、好啱我口味。仲有，河粉都几滑下，值得加分。 除此之外，都要赞下呢间餐厅嘅环境。装修用色主要系白色同浅灰色，舒服简洁。餐枱够大张，坐得舒服。不过，今餐饭最需要弹嘅，就系佢嘅牛肉汤冇乜牛肉/牛骨味，仲要非常咸。我认为，一碗牛肉汤河嘅灵魂就系汤度，佢个汤做得唔好，下次真系唔使再来帮衬。