The Restaurant

营业中

休息中

今日想食西餐 ，知道呢一度啲餐比较大份， 所以来到试下。 午餐人都几多， 坐得好迫 ，不过价钱就唔算贵， 所以都接受啦 。我哋点咗两个套餐 ，一个羊膝， 一个西冷扒 ，呢度系适合肚饿大食嘅人，因为汤同面包任食 ，今日系南瓜汤， 面包都有几款，有白色方包， 麦方包，牛角包 ，muffin ，可以自己烘返热加牛油食。 两个餐一好一坏， 西冷牛就几好， 好大份 ，牛扒整到七成熟， 鲜味多汁 ，仲有少少脂肪好香， 配菜有新薯， 荷兰豆，bb红萝卜 ，好新鲜。 羊膝就强差人意， 因为成嚿羊膝好似肉干咁 ，个样就不讨好， 黑萌萌， 又柴又韧，都唔明点解咁都可以畀得人食。 食完个主菜 ，可以再饮汤，再食面包 。仲有呢度饮品都系好多选择， 又系任饮， 我就饮咗咖啡 ，奶茶， 个friend就饮咗利宾纳，奶茶 ，仲有朱古力 。个价钱仲有85折， 相当抵食，但系水准就参差， 冇保障。