潮濠城酒樓 (已結業)

阿姨的同事推介佢黎呢度食潮菜。于是佢就约埋我同阿妈，一行三人十二点半去食晏。由于到达时时间尚早，唔太多人。叫了三个小菜，加多个汤。咸菜猪肚汤虽然看上去好似好稀，但饮落味道好浓郁。胡椒味好劲，好辣呀！咸菜已煲到无晒味，仲好淋添！不过猪肚实在少少，每人只有两小旧，猪肚都唔系咩贵料，点解咁姑寒？？？！！！卤水鹅肉拼盘有卤蛋、鹅件、猪腩肉、鹅心、鹅肾同鹅润。全部都好入味，卤水好香，唔会只得咸味。鹅心好正，炆得入味又唔会太硬身。鹅肾爽口，而鹅润就有少少硬。鹅件都好有肉，鹅肉肥美。蚝饼卖相好靓好整齐。蚝仔虽唔系好大只，但就新鲜无沙无碎壳唔腥。粉与蚝的比例刚好，唔会食到成口粉。炸虾蟹枣 唔掂！好粉呀！两只枣都系唔弹牙，而且好唔足料，好系食粉多d！两只枣除外表有不同之外，个味道有九成相似。环境ok，唔会太嘈，都倾到偈。服务不过不失，无咩话特别好or差，中规中举啦。