翠湖海鮮酒家

营业中

休息中

放假陪两老出嚟饮下午茶，楼底唔高，枱亦好密，相对嚟讲都几嘈吵。冇谂过工厂区系星期日嘅话下午茶都好商务嘅价钱，既然坐低咗就丰俭由人啦。叫咗个烧肉米线拼烧卖$58，烧肉得一行，个米线汤底好似水一样咁健康。如果以呢个价钱嚟讲性价比就唔算太高啦。等咗20分钟开始有嘢食嚟，你都比较多嘅系炸物，但系全部都系常温嚟嘅。蒸嘢食嘅话就好少少，猪手都入味，但系红枣糕佢可能落粉攞得太多，好似咬紧啲BB仔牙胶咁。平时都好少食炸两肠，因为预咗佢个油炸鬼系会腍，但系佢呢度又唔会，但系加咗啲樱花虾碎喺上边，同肠粉食落去有少少格格不入。好彩佢个猪什粥同埋个桂花糕表演都唔错，挽回我对佢有少少嘅好评。一早落嘅乳鸽漏咗单，后来帮手再跟番，即炸系唔同d。总括嚟讲如果以呢个价钱嘅下午茶，咁可能同区近四小龙𠮶边嘅酒楼会更胜一筹。