新金湖海鮮酒家

营业中

休息中

之前天后诞回来帮手，夜晚又来过呢度食饭。觉得食物系唔错，所以得意带内地同事今日快闪一日长洲顺便嚟呢度食个午饭。基本上都系公道嘅，虽然我哋叫自选套餐食。都有讲解自选套餐嘅份量会少啲，尤其是海鲜𠮶度。咁所以海鲜𠮶度濑尿虾就另外叫$298斤。中型size呢个价钱有少少贵，不过炸得几脆，速壳都食埋。炒青菜同埋干炒牛河都系另外叫嘅，个牛河几有镬气，但系佢比太多牛肉太少粉，啲同事觉得唔够饱😂。教返其他食物先，个椒盐人鱼都几弹牙，将瞓唔算厚个南瓜骨都好香口又够热辣辣，可惜南角落得唔够多，如果再落多少少就正啦。豉椒蛏子同埋辣酒煮花螺佢话同正价小菜份量一样，咁我就觉得个花螺就偏少咗啲啦，好彩喺自选套餐里边嗌同埋啲花螺好似沟咗唔同种类同埋啲肉有少少唔新鲜，如果下次食嘅话可以skip。个蛏子虽然系细只𠮶款，但系都几好肉，可惜个酱太杰身，有少少似浆糊咁。咁扇贝𠮶度跟餐系有五只，咁加多一只都系$25都系叫正常价钱，粒元贝都几鲜甜捞埋啲粉丝蒜蓉一齐食真系一流。食饱饱再望挂喺上面㗎横额，先醒起有个芝心丸冇叫，我记得𠮶个真系好好食，下次一定要再食。